എന്റെ ആദ്യ പെണ്ണ്കാണല് (ഓര്മ്മക്കുറിപ്പ്, )
എന്റെ ആദ്യ പെണ്ണ് കാണല്.വിവാഹത്തെ കുറിച്ച് ...ഭാവി ഭാര്യയെ കുറിച്ച് എസ്റ്റിമേഷന് രൂപപെട്ടു വരുന്ന കാലം.
അന്നെനിക്ക് ഇരുപത്തിമൂന്ന് വയസ്സ് .കൂട്ടുകാര് ചിലര് എന്നെ കടത്തി വെട്ടി കല്യാണം കഴിച്ച നിന്നെ എന്തിനു കൊള്ളാം എന്ന് നോക്കി പരിഹസിച്ചപ്പോള് ,എന്തിനു എന്റെ വീട്ടുകാര് ഇത്രയും ക്രൂരത കാട്ടുന്നൂ എന്ന് ഞാന് പോലും പലപ്പോഴും ചിന്തിച്ചൂ .പക്ഷെ എന്റെ സുഹൃത്ത് അവനു എന്തോ ഒരു സിമ്പതി എന്നോട് തോന്നി .
ഡാ ജബ്രൂ .അടുത്ത ഞായര്ആഴ്ച ഫ്രീ ആണല്ലോ അല്ലെ ?ഒരു സ്ഥലം വരെ പോകണം .
എന്റെ കണ്ണുകള് തിളങ്ങി ..ഇരാട്ട്പേട്ടയില് പടം കാണാന് പോകുന്നൂ എന്നാണു ഞാന് വിചാരിച്ചത് .
അവന് ആകെ അഞ്ചടി ഉയരം.. കറുത്ത ..നല്ലകരിവീട്ടിപോലെ ..തടിച്ച ബോഡി ..കിളിര്ക്കാന് മടിക്കുന്ന നെല്കതിര് പോലെ നാലേ നാല് രോമം ഒരു അപവാദം എന്നാ പോലെ അവന്റെ മൂക്കിന്റെ താഴെ പാറി കളിച്ചു .പഠനത്തില് കേമന് ആയതു കൊണ്ട് ഒന്പതാം ക്ലാസ്സില് പഠിത്തം നിറുത്തി .തിന്നും..നാട്ടുകാരുടെ തല്ലു കൊണ്ടും ..വീട്ടുകാരെ പ്രീണിപ്പിച്ചു ഇങ്ങനെ പോകുന്ന ഒരു നല്ല ചെറുപ്പക്കാരന് .പേര് കുഞ്ഞുമോന് .
കൃത്യം സമയത്ത് തന്നെ അവന് എത്തി ..ഒരു മാതിരി കാറുമായി.
വടിപോലെ തേച്ചു മിനുക്കിയ കതര് ഷര്ട്ടും വെള്ളം മുണ്ടും ധരിച്ചു ..കണ്ടാല് ഒരു മണവാളനെ പോലെ തോന്നുന്ന എന്നെ കണ്ടപ്പോള് അവനു ഒരു സംശയം ..ഇന്ന് പോകണോ ?.
മുന്നോട്ടു വച്ച കാല് പിന്നോട്ട് വക്കല്ലെന്നു അവന്റെ ഉമ്മ പറഞ്ഞപ്പോള് ..ഞാന് ചാടി വണ്ടിയില് കയറി.
മടികുത്തില് നിന്നും ഒരു ശംഭൂ എടുത്തു വച്ച് ..ഡ്രൈവര് സീറ്റില് ഒരു തലയിണ വച്ച് പൊക്കം കൂട്ടി ഇരിക്കുന്ന അവനെ കണ്ടാല് അമിതഭാച്ചന് കരിഓയില് കുടിച്ചിട്ട് ഇരികുന്നതാനെന്നെ തോന്നൂ .
ഞങ്ങളുടെ വാഹനം ഈരാട്ടുപെട്ട ലക്ഷ്യമാക്കി കുതിച്ചു ..ഡ്രൈവിങ്ങില് അവോനൊരു പുലി തന്നെ .
ഇടക്കൊരു പെട്രോള് പമ്പ് കണ്ടപ്പോള് ഒന്ന് കയറി ഇന്ധനം അടിക്കാന് ... ഫുള് അടിച്ചോ ഒരു നല്ല വഴിക്ക് പോവുകയല്ലേ ..എന്റെ നല്ല വാകുക്കള് അവന് അനുസരിച്ചു .
കഴിഞ്ഞപ്പോള് .. നീ കൊടുക്ക് ഞാന് തരാം ..കയ്യില് ചേഞ്ച് ഇല്ലാ .
അപകടം മണത്ത്എങ്കിലും ..തിരിച്ചു പിടിക്കാമെന്ന വ്യെമോഹവുമായി ഞാന് ഇരുന്നു .
പെട്ട എത്തിയപ്പോള് വണ്ടി ഒരു ഇടവഴിയിലക്ക് തിരിഞ്ഞു .
ഇതെങ്ങോട്ടാ ?.
ഒരു പെണ്ണ് കാണാന് ....ഞാന് ആദ്യം ഒന്ന് ഞെട്ടിയെങ്കിലും ..അവനു അതൊരു പുതുമഉള്ളാ കാര്യമാല്ലായിരുന്നൂ .
മുറ്റത്ത് ഇറങ്ങിയപ്പോള് ...അയല്വാസി അക്കാമാര് എത്തിനോക്കിയപ്പോള് ഞാനൊന്ന് വിരിഞ്ഞൂ ഇല്ലാത്ത മസിലുകള് എവിടെ നിന്നോ ഓടിയെത്തി .ചെറുക്കന് പതിയെ എന്റെ പിന്നാലെ ഇറങ്ങി വന്നൂ .വാതില് തുറന്ന ഒരു വല്യുമ്മ പറഞ്ഞൂ കയറിവാ മക്കളെ ..ബ്രോക്കെര് വിളിച്ചു പറഞ്ഞിരുന്നൂ എന്റെ പെണ്ണുകാണല് അല്ലെങ്കിലും എന്റെ കാലുകള്ക്ക് അതറിയില്ലായിരുന്നൂ ..അവര് പരസ്പരം വിറച്ചു കളിച്ചു .
കസേര കിട്ടിയപ്പോള് ഒരു സമാധാനം ആയി.
മോള് കുളിക്കുക ആണ് ,അവളുടെ ഉമ്മ കടയില് പോയിരികുക്ക ആണ് ഉപ്പാ കച്ചവടത്തിന് പോയിരികുക്ക ആണ് .
വല്യുമ്മ പറഞ്ഞു കഴിഞ്ഞതും ജനലരികില് ഒരു തലകണ്ടൂ ..പെണ്കുട്ടി.
പെട്ടെന്ന് കയ്യില് രണ്ടു കാപ്പിയുമായി അവള് കടന്നു വന്നൂ .
സുന്ദരി ...ലജ്ജ കാരണം ആ ചുണ്ടുകള് ചമ്മിയിരുന്നൂ .
കണ്ടാല് കുഞ്ഞുമോന് സല്മാന്ഖാന്റെ ഫമിലിയും ഞാന് അമരേഷ് പുരിയുടെ കുടുബാങ്ങവും ആയിരുന്നൂ.
മീശപോലും ഇല്ലാത്ത അവനെ കണ്ടപ്പോള് ഒരു കൊച്ചു പയ്യന് ആണെന്നാണ് ആ കുട്ടി വിചാരിച്ചത്.
ഉത്കാടന ചായ എനിക്ക് .
ചായ തരുമ്പോള് ആ കണ്ണുകള് ഒന്ന് തിളങ്ങി ... എന്റെയും ...
കുഞ്ഞുമോന് ചായ കൊടുത്തപ്പോള് മുഖത്തു പോലും നോക്കാതെ അവന് വാങ്ങി കുടി തുടങ്ങി .
അവന്റെ മനസ്സ് അറിഞ്ഞ ഞാന് പറഞ്ഞൂ ..ഇതാണ് ചെറുക്കന് ..നിങ്ങള്ക്ക് എന്തെങ്കിലും സംസാരിക്കണമെങ്കില് ആവാം.
പതുക്കെ എഴുന്നേറ്റ എന്നെ അവന് അമര്ത്തി പിടിച്ചു .. നീ കൂടി ഇരി.
നാണം കൊണ്ടായിരിക്കാം പെണ്ണ് കാലു കൊണ്ട് നിലത്ത് എട്ടു വരച്ചൂ.
പിന്നെ ഞാന് ഒരു തര്ജിമാകാരന്റെ റോള് ചെയ്യേണ്ടി വന്നൂ.
അവന്റെ ചോദ്യങ്ങള് എല്ലാം ഞാന് ചോദികേണ്ടി വന്നൂ.
എന്താ കുട്ടിയുടെ പേര് .?.
ഷൈല ...
കുഞ്ഞുമോന് :ഓ ശൈലയോ !.
എത്ര വരെ പഠിച്ചു ?.
പത്തു വരെ.
കുഞ്ഞുമോന് :അത്രയേ ഉള്ളോ ? പത്തു പോലും തികക്കാത്ത അവനു പാസ്സായ കുട്ടിയോട് ഒരു പുച്ഛം .
ബാപ്പക്ക് എന്താ ജോലി?.
ആക്രികടയ.
ആക്രി എന്ന് കേട്ടപ്പോഴേ കുഞ്ഞുമോന് പുച്ഛം തോന്നി കട അവന് കേട്ടത് പോലും ഇല്ലാ .. ശോ ! ആക്രി യോ ..കപ്പ കട നടത്തുന്ന അന്തുര്മനെ അവന്റെ ബാപ്പയെ അവന് തല്കാലത്തേക്ക് മറന്നൂ.
അടുത്ത ചോദ്യം തല്കാലത്തേക്ക് നിര്ത്തി വച്ച് ഞാന് വെളിയിലക്ക് പോന്നൂ .
നല്ല കുട്ടി നിനക്ക് ഇഷ്ട്ടപെട്ടോ ?.
എന്റെ ചോദ്യം കേട്ടപ്പോള് അവനൊന്നു ഞെട്ടി വായില് ഇരുന്ന ലടു എടുത്തു കയ്യില് വച്ചു .
നീ കണ്ടോ ആ കുട്ടിയുടെ മുഖം അല്പ്പം കോടിയാ ഇരികുന്നത് .
എന്നിലെ വിവര്ത്തകന് ഉണര്ന്നൂ .
ഡാ അത് ആദ്യമായിട്ട് ആയതു കൊണ്ട് ആ കുട്ടി ചമ്മിയ്താകും.
നിനക്ക് ഇഷ്ട്ടപെട്ടോ അവന്റെ ചോദ്യം എന്റെ അഭിപ്രായമായിട്ടാണ് ഞാന് കരുതിയത്.
കൊള്ളാം നല്ല കുട്ടി ..എനിക്ക് ഇഷ്ട്ട പെട്ടു ..
എന്നാല് നീ കെട്ടിക്കോ ...ഒരു ലടു എന്റെ മനസ്സില് ആദ്യം പൊട്ടിയെങ്കിലും ...വീട്ടുകാരെ കുറിച്ച് ചിന്തിച്ചപ്പോള് ഒന്ന് ഞെട്ടി .
തിരിച്ചുള്ള യാത്രയില് പെട്രോള് പമ്പില് കൊടുത്ത കാശിന്റെ ഓര്മ്മയില് ഞാനും !.
പതിനൊന്നാമത്തെ പെണ്ണ് കാണല് എങ്കിലും ഉറച്ചാല് മതിയെന്ന കുഞ്ഞുമോന്റെ ഉമ്മയുടെ സ്വപ്നങ്ങള് വീണ്ടും തകര്ന്നൂ.
